ဖော်ပြရေးသားလိုက်ရပါသည်။
ဦးကျော်စိန် ဒေါ်အမာ
ကမ္ဘာလုံးသင်္ကန်းတိုက်
ကြည့်မြင့်တိုင်၊ အိုးဘိုရပ်။
ကြည့်မြင့်တိုင်မြို့နယ်ကိုဝင်လိုက်ပြီဆိုသည်နှင့် ကမ္ဘာလုံးသင်္ကန်းတိုဆိုတာကိုမသိသူမရှိ။
ခေတ်အဆက်ဆက်နာမည်ရှိခဲ့သည်။ သင်္ကန်း၏အလျားအနံအတိုင်းအတာပြည့်ရုံတင်မက၊
သင်္ကန်းတိုက်ပိုင်ရှင်ဦးကျော်စိန် ဒေါ်အမာတို့၏ဆက်ဆံရေးပြေပြစ်မှု၊ သဘောထားပြည့်ဝမှု
တို့ကြောင့်အနယ်နယ်အရပ်ရပ်မှ ဖောက်သည်ပေါများသည်။ အများစုမှာကုန်ပစ္စည်းများကို
တယ်လီဖုန်း၊ စာများဖြင့်မှာယူကြသည်က များသည်။ ကမ္ဘာလုံးသင်္ကန်းကို နယ်မြို့များတွင်
တစ်ဦးတည်းကိုယ်စားလှယ်ယူ၍ဆိုင်ခွဲဖွင့်ကြသည်အထိပင်။
သူ့ခေတ်သူ့အခါကမြို့မျက်နှာဖုံးဖြစ်သူ ဦးကျော်စိန် ဒေါ်အမာတို့မှာ သားနှစ်ယောက်ထွန်းကား
ခဲ့သည်။ သားနှစ်ယောက်အရွယ်ရောက်၍အိမ်ထောင်ရက်သားကျပြီးသည့်အချိန်မှာတော့
လုပ်ငန်းကိုသားအကြီးနှင့်လွှဲအပ်၍ ဦးကျော်စိန် ဒေါ်အမာတို့မှာ ဘဝကို အေးအေးဆေးဆေး
ဖြတ်သန်းကုန်လွန်ခဲ့ကြသည်။ တိုက်နှစ်လုံးရှိရာ သားအကြီးအတွက် လုပ်ငန်းနှင့်တွဲလျက်ရှိသော
တိုက်ကိုပေး၍ သားအငယ်အတွက်တော့ အနောက်ဘက်ကတိုက်ကိုပေးခဲ့လေသည်။တိုက်ဆောက်စဉ်ကတည်းကအပေါ်ထပ်နောက်ဖေးဘက်တွင် လူသွားလမ်းထည့်ထားသဖြင့်
အရှေ့တိုက်နှင့်အနောက်တိုက်မှာအိမ်အတွင်းမှပင်အလွယ်တကူ ကူးသန်းသွားလာနိုင်သည်။
ဦးစိုးညွန့်စိန် ဒေါ်ကြည်ကြည်မာ
ဦးကျော်စိန် ဒေါ်အမာတို့ကွယ်လွန်သွားကြသော်လည်း ကမ္ဘာလုံးသင်္ကန်းတိုက်မှာ ရှေးမူမပျက်၊
မိတ်မပျက်ပဲ ဆက်လက်ရောင်းဝယ်ဖောက်ကားနိုင်ခဲ့သည်။ ဦးစိုးညွန့်စိန်မှာ အနေအထိုင်
အေးဆေးသူတစ်ယောက်၊ စာဖတ်ခြင်းကိုဝါသနာထုံသူ။ ဇနီးဖြစ်သူ ဒေါ်ကြည်ကြည်မာသည်
စီးပွားရေးကိုစိတ်ဝင်စားကာ သဘောထားကောင်း၊ ဆက်ဆံရေးပြေပြစ်၍ ဈေးကွက်အနေအထား
ကိုလည်း ကျွမ်းကျင်သူတစ်ယောက်ဖြစ်သဖြင့် ကမ္ဘာလုံးသင်္ကန်းတိုက်၏အစဉ်အလာကို ဆက်လက်
ထိန်းသိမ်းနိုင်ခဲ့သည်။
သို့သော်...
လူတို့၏ဘဝသည်အရာရာတိုင်းတွင်အဆင်ပြေချောမွေ့နေမှုဆိုတာမရှိ။
တစ်ခုမဟုတ်တစ်ခု၊ တစ်နေရာမဟုတ်တစ်နေရာတွင် ချွတ်ယွင်းမှု၊ ချွတ်ချော်မှုဆိုတာရှိစမြဲပေ။
ဦးစိုးညွန့်စိန် ဒေါ်ကြည်ကြည်မာတို့မှ သားတစ်ယောက်၊ သမီးတစ်ယောက်ထွန်းကားခဲ့သော်လည်း
သားအကြီးမှာ ဒဿမတန်းအရောက်တွင် လ္ဘက်ထဲ၌ဆေးခတ်ကျွေးခြင်းကိုခံခဲ့ရပြီး ပညာရေးရှေ့
ဆက်ရန် ဘယ်လိုမှမဖြစ်နိုင်တော့ဘဲ စိတ်မနှံ့တော့သည့်အခြေအနေသို့ရောက်ခဲ့ရသည်။
မမေးကောင်း၍ မမေးဖြစ်ခဲ့သော်လည်း တစ်ဦးတည်းသောသား သူဌေးသားဖြစ်သောကြောင့်
အမိဖမ်းသည်ဟူ၍လည်းကြားခဲ့ရသည်။ မိဘနှစ်ပါးမှာ ယူကြုံးမရဖြစ်ခဲ့ရပေသည်။သမီးဖြစ်သူက
တော့ ဘွဲ့ရပြီးမိဘ၏လုပ်ငန်းကိုဝင်ရောက်ကူညီနေခဲ့သည်။
ကျွန်ုပ်သည် သင်္ကန်းပရိက္ခရာမျာကို တယ်လီဖုန်းဖြင့်တစ်မျိုး၊ စာဖြင့်တစ်ဖုံ မှာယူသည်ကများ
သော်လည်း ရဟန်းခံရှင်ပြုရာသီရောက်ပြီဆိုရင် ကိုယ်တိုင် ရန်ကုန်သို့ဆင်း၍ စိတ်တိုင်းကျမှာ
ယူရသည်။ အနည်းဆုံး တစ်နှစ်ကိုတစ်ခေါက်ရောက်သည်။ အေးအေးဆေးဆေး စကားစမြည်
ပြောဖြစ်သည့်အခါများလည်းရှိသလို ဝယ်သူအလွန်များ၍ မှာစရာရှိတာမှာပြီးပြန်ရသည့် အခါမျိုး
လည်းရှိပေသည်။
ဒေါ်ကြည်ကြည်မာသည် ကိုယ်ခန္ဓာ ဝဝဖြိုးဖြိုး၊ ဖော်ရွေသောအပြုံးနှင့် ခရီးဦးကြိုပြုတတ်သည်သာ။
တစ်ခေါက်တော့ ဒေါ်ကြည်ကြည်မာကိုမတွေ့၊ ကျန်းမာရေးမကောင်းသဖြင့် အနားယူနေရသည်
ဟုဆိုသည်။ လေးဘက်နာရောဂါဟုသိရသည်။ ကျွန်ုပ်လည်းကိုယ့်အလုပ်နှင့်ကိုယ်ရှုပ်နေ၍ ( ၆ )
လလောက်ကြာမှတယ်လီဖုန်းဖြင့်သတင်းလှမ်းမေးရင်း အားပေးရသည်။
ထိုအချိန်တွင် နှလုံးရောဂါပါထပ်တိုးလာသည်ဟုသိရသည်။
ယင်းနောက်ပိုင်း ၃ နှစ်ဆက်တိုက်ရန်ကုန်သို့ မဆင်းဖြစ်တော့။
လုပ်ငန်းထပ်မံတိုးချဲ့သဖြင့် သင်္ကန်းပရိက္ခရာမှာယူသည့်ကိစ္စကို ညီမဖြစ်သူနှင့်လွှဲထားရလေသည်။
မှတ်မှတ်ရရ ရန်ကုန်တွင် ပွဲရုံကိစ္စရှိသည်ကတစ်ကြောင်း၊ မိတ်ဆွေဟောင်းများနှင့်မဆုံမတွေရတာ
ကြာပြီမို့ ဇနီးဖြစ်သူနှင့်အတူ ရန်ကုန်သို့ဆင်းလာခဲ့သည်။ ၁၉၉၆ ခုနှစ်ဆောင်းရာသီဝင်ကာစ။
လမ်းကြုံတုန်း တစ်လက်စတည်းဝင်ပြီးနှုတ်ဆက်ဦးမှပဲလေဟုအတွေးရသဖြင့်...
နှစ်ယောက်သားကြည့်မြင့်တိုင်သို့ထွက်လာခဲ့လေသည်။
ကမ္ဘာလုံးသင်္ကန်းတိုက်ရှေ့အရောက်လှေကားကိုလှမ်းတက်ရင်း...
"ဗျို့... ဒေါ်ကြည်ကြည်မာ အကြွေးလာတောင်းတာဗျိုး" ဟု
ရွှတ်နောက်နောက်ဖြင့်အသံပြုလိုက်သော်လည်း အရင်တုန်းကလို ခရီးဦးကြိုထွက်မလာ။
ဆိုင်ကအလုပ်သမားကောင်လေးတစ်ယောက်ထွက်လာပြီး
"ခဏထိုင်ပါဦး ဦးလေးတို့"
"ဟေ့... ကောင်လေး ဘယ်သူမှမရှိဘူးလား..မောင်စိုးညွန့်ရောကွ" ဟုမေးမြန်းရာ
"ကားဂိတ်ကို ကုန်သွားပို့တယ်ခင်ဗျာ" ဟုပြန်ဖြေလေသည်။
"မင်းတစ်ယောက်တည်းလား ကောင်လေး၊ ကြည်ကြည်မာရော?"
ကျွန်ုပ်မှာ တွေ့ချင်ဇောကြီးလွန်းလှသဖြင့် ဇနီးဖြစ်သူကပင်
"တော်ကလဲ... သူပြောတာခဏစောင့်ပြီးနားထောင်ပါဦး" ဟု တားယူနေရချေသည်။
"လာပါပြီကိုဘိုးခင် လာပါပြီ" ဟူသောအသံကြားလိုက်တော့မှ စိတ်အေးသွားရလေသည်။
မတွေ့တာကြာနေပေမယ့် ကျွန်ပ်၏အသံကိုကောင်းစွာသိနေသည်မို့ "မှတ်ဥာဏ်သိပ်ကောင်း
တယ် ငါ့အသံမှတ်မိနေတုန်းပဲ" ဟူသောအဓိပ္ပါယ်ဖြင့် ဇနီးဖြစ်သူအားမျက်ခုံးပင့်ပြလေရာ
မျက်စောင်းလေးများရောက်ရှိလာလေတော့သည်။
"ဘာအကြွေးတွေများလဲ ကိုဘိုးခင်" ဟူသောမေးခွန်းနှင့်အတူ
သင်္ကန်းဗီဒိုကြီး၏နောက်ကွယ်မှထွက်လာသူကိုကြည့်ရင်း
"ဟာ"
"ဟင်"
ကျွန်ုပ်တို့လင်မယားနှစ်ယောက်စလုံး အာမေဋိတ်များပြိုင်တူ ထွက်သွားရလေတော့သည်။
အသက် ၄၅, ၅၀ ဝန်းကျင်အမျိုးသမီးတစ်ယောက်သည် အရိုးပေါ်အရေတင်ဖြစ်နေရရှာသည်။
ဆံပင်တွေကလည်း ကျိုးတိုးကျဲတဲနှင့်ပါးလျနေလေပြီ။ လမ်းလျှောက်လာသည်ကလည်း
တရွေ့ရွေ့ဖြင့်။ အရင်ကတွေ့နေကျ ဝဝဖြိုးဖြိုးပုံနှင့် လုံးဝ (လုံးဝ) ကိုခြားနားနေသောကြောင့်
အခြားသူတစ်ယောက်ဟုပင် ထင်နေမိပါတော့သည်။
ကျွန်ုပ်ဘယ်လိုမှမနေနိုင်တော့။
"ဟဲ့ ကြည်ကြည်မာဟုတ်ပါတယ်နော်?"
"ဟုတ်ပါတယ်ကိုဘိုးခင် ကျွန်မ ကြည်ကြည်မာ အစစ်ပါ"
ကျွန်ုပ်၏ဇနီးကလည်း
" ဘယ်လိုဖြစ်တာတုန်းကြည်ကြည်ရယ်၊ ပြောစမ်ပါဦး မှတ်တောင်မမှတ်မိဘူးဟယ်"
ဟုပြောရင်းမျက်ရည်များစို့လာသောကြောင့် ကျွန်ုပ်လည်း
" မင်းနှယ် ဘာဖြစ်လို့ဖြစ်မှန်းမသိ၊ ဘာမှကိုမပြောရသေးဘူး
မျက်ရည်ကထွက်လာပြန်ပြီလားဟ" ဟုငေါက်ငန်းမိသည်အထိ။
"အို တော်ကလဲ" ဟုခွန်းတုန့်ပြန်လေသည်။
ထိုအခါကြည်ကြည်မာက
"မမရယ် ကျွန်မမှာတော့ကျစရာမျက်ရည်တောင်မရှိတော့ပါဘူး၊
တော်တော်လေးတရားကျမိပါတယ်"
"အထူးကုသမားတော်ကြီးတွေနဲ့မပြဘူးလားကွဲ့" ဟု ကျွန်ပ်ကမေးလေရာ
"ပြတာပေါ့ကိုဘိုးခင်ရယ် ပြတာပေါ့။အရင်ဦးဆုံး လေးဘက်နာဖြစ်တယ်၊ လေးဘက်နာဖြစ်
ပြီးတော့ နှလုံးရောဂါထပ်တိုးလာတယ်၊ သမားတော်တွေနဲ့ထပ်ပြတော့ အဆုပ်ထဲမှာရေဝင်
တယ်တဲ့၊ တစ်ခေါက်သွားတိုင်းတစ်မျိုးထပ်တိုးနေလို ကျွန်မလည်းသွားပြချင်စိတ်မရှိတော့
ပါဘူး၊ သောက်လိုက်ရတဲ့ဆေးတွေကလည်း ထမင်းတောင်မနည်းစားယူရတယ်
ပဲကြီးလှော်ဝါးရသလိုပါပဲ"
မောသွားဟန်ဖြင့်ခဏနားလိုက်ပြီး
"ရေဂါစ,ဖြစ်ကတည်းကပိန်လာတာ အခုမြင်နေရတဲ့ပုံစံအတိုင်းပါပဲ၊
ဆံပင်တွေကျွတ်ပြီး ခြေဆစ်လက်ဆစ်တွေကလည်းရောင်လိုက်တာ၊
အထိုင်အထကတော့ တော်တော်လေးဒုက္ခရောက်လှပါတယ်"
"ဒါနဲ့နေပါဦး လေးဘက်နာကမျိုးရိုးလိုက်တာများလား စိတ်မရှိပါနဲ့ ကျုပ်မေးမိတာ"
"မျိုးရိုးထဲမှာလည်းမရှိပါဘူးကိုဘိုးခင်ရယ် အဖေအမေတို့ဆို ဒေါင်ဒေါင်မြည်ပါပဲ။
ကျွန်မလည်းဝဋ်ကျွေးပါလာတယ်လို့ပဲဖြေသိမ့်ပါတယ်။ ဒီထက်ထူးခြားတာရှိသေးတယ်
ကိုဘိုခင်တို့ကိုတော့ စိတ်ချရတဲ့သူတွေမိုလို့ပြောပြတာပါ၊ အဓိကအကြောင်းအရင်းပေါ့"
"ဘာများပါလိမ့်ဗျာ ပြောပြပါဦး" ဟုကျွန်ုပ်လည်းလောမိလေသည်။
ထိုအခါ ကြည်ကြည်မာ၏နှုတ်မှထွက်လာသောစကားလုံးတို့သည် ကျွန်ုပ်၏နားအတွင်းသို့
ကြီးမားကျယ်လောင်စွာဝင်ရောက်သွားသကဲ့သို့ခံစားမိလိုက်ရပါတော့သည်။
"အောက်လမ်းနဲ့အတိုက်ခံရတာပါ ကိုဘိုးခင်"
"ဟယ်"
ကျွန်ုပ်တို့ရဲ့အာမေဋိတ်သံအဆုံးမှာ ကြည်ကြည်မာက သူ့စကားကိုထပ်ဆက်လေသည်။
"မယုံမရှိနဲ့ ကိုဘိုးခင်နဲ့မမတို့ရေ၊ ကျွန်မလည်း ဒါမျိုးကကြားသာကြားဖူးပေမယ့်
ယုံတာမဟုတ်ဘူး။ အခုကတော့ယုံသွားပါပြီ။ နေ့တိုင်းနေ့တိုင်း ဘုရားရှိခိုး၊
ပုတီးစိပ်တဲ့အကျိုးကျေးဇူးကြောင့် စောစောစီးစီးသိလိုက်ရတာပါပဲ။ အရင်တုန်းက
နယ်ဘက်တွေမှာသာကြားဖူးခဲ့တာလေ "
"အင်း ကျုပ်တို့လည်းကြားဖူးတာပဲရှိတာ ဆိုစမ်ပါဦးဗျာ" ဟုထောက်ခံပေးရာ
" ကျွန်မလည်း ကိုယ့်ရောဂါတွေနဲ့ကိုယ် လုံးလည်လိုက်နေတာ၊
တစ်ရက်တော့ ကျွန်မ ဒီဧည့်ခန်းထိုင်ခုံမှာထိုင်နေတုန်းဈေးဝယ်သူတစ်ဖွဲ့
ရောက်လာပါလေရော၊ ချက်ချင်းကလည်းထ,လို့မရတာနဲ့ ဟန်မပျက်ဆက်ထိုင်
နေတာပေါ့၊ အဲဒီဈေးဝယ်သူအဖွဲ့ထဲမှာ ခေါင်းပေါင်းအဖြူပါတ်ထားတဲ့အဖိုးကြီး
က ကျွန်မကိုခဏခဏလှည့်ကြည့်တာသတိထားမိနေတယ်၊ အရင်တုန်းကအသိ
မိတ်ဆွေတွေလားဆိုပြီး ကျွန်မလည်း စဉ်းစားကြည့်မိပါသေးတယ်။
ခဏနေတော့ အဲဒီအဖိုးကြီးကထ,လာပြီး ကျွန်မနဲ့စကားလာပြောပါတယ်"
"သမီး... နင့်ကိုကြည့်ရတာသိပ်မဟန်ဘူး ဒီဆိုင်ကိုစ,ဝင်ကတည်းက
ငါ တစ်ခုခုကိုသိနေတယ်" ဆိုပြီးစကားစ,လာပါတယ်။
ကျွန်မလည်း "ဟုတ်ကဲ့ ပြောပါ အဘ"
"သမီး ရောဂါဝေဒနာတွေ အရမ်းခံစားနေရတယ်မဟုတ်လား" ဟုမေးရာ
"ဟုတ်ပါတယ်" ဟုချက်ချင်းပြန်ဖြေမိပါသည်။
ထိုအခါအဖိုးကြီးက
"သမီးဟာကသွေးရိုးသားရိုးမဟုတ်ဘူး၊
တစ်ယောက်ယောက်ကတိုက်ခိုက်ထားတယ်ကွဲ့" ဟုဆိုလေသည်။
ကျွန်မလည်း
"ကျွန်မမှာ ရန်သူဆိုတာမရှိပါဘူး အဘရယ် " ဟု ချက်ချင်းခွန်းတုန့်ပြန်မိပါတယ်။
"ဒီလိုရှိတယ်သမီး၊ သမီးက ရန်သူမရှိဘူးလို့ထင်နေပေမဲ့ သမီးကို
ရန်သူလို့ မှတ်ယူနေတဲ့သူတွေရှိနေမှာပေါ့ကွယ်၊ လောကမှာမမြင်ရတဲ့
အန္တာရာယ်တွေက များသားကလား၊ အဘ ခံစားမိတာမမှားဘူးဆိုရင်
သမီးကို တစ်ယောက်ယောက်က မကောင်းတဲ့နည်းနဲ့တိုက်ခိုက်ထားတာလို့
ယုံကြည်တယ်ကွဲ့"
ကျွန်မလည်းဘာဆက်ပြောရမှန်းမသိတော့။
"သမီးခွင်ပြုတယ်ဆိုရင်တော့ အဘနည်းအဘဟန်နဲ့ရှာကြည့်ပါရစေကွယ်" ဟုတောင်းဆိုလာလေသည်။
ဆေးပေါင်းစုံနေအောင်သောက်နေရသောကျွန်မလည်း အားကိုးရှာမိသည့်အနေဖြင့်
" ဟုတ်ကဲ့ အဘ သင့်တော်သလိုသာဆောင်ရွက်ပါတော့" ဟုဆိုမိလေသည်။
အဖိုးကြီးလည်း ကျွန်မထံမှခွင့်ပြုချက်တောင်းခံ၍ရသဖြင့် နေ့ရက်ချိန်းဆိုကာ
ဈေးဝယ်ကိစ္စများ ပြီးသဖြင့် ပြန်သွားလေသည်။
ချိန်းဆိုထားသောရက်၏ညဦးပိုင်းတွင် အဖော် ၂ ယောက်နှင့်အတူရောက်ရှိလာပြီး
အိမ်တံခါးများကို ပိတ်ခိုင်းလိုက်လေသည်။
"သမီး အမှိုက်တော့ အတော်ပွမယ် အဘက ဆန်မန်းပေါက်ပေါက်တွေ
ကျဲမှာမိုလို့..စိတ်မရှိပါနဲ့ကွယ်" ဟုတောင်းပန်ရှာသည်။
"ရပါတယ်အဘ အိမ်မှာလဲ ကောင်လေးတွေရှိတော့ ပြန်ရှင်းလို့ရပါတယ်
အဘ အဆင်ပြေသလိုသာဆောင်ရွက်ပါ"
အဖိုးကြီးလည်း ငွေဖလားကြီးကိုပိုက်ပြီး ဆိုင်၏အဝင်ဝဧည့်ခန်းနေရာမှစ,၍
ဆန်မန်းနှင့်ပေါက်ပေါက်ဆုပ်ရောထားသည်များကို ကျဲပါတော့သည်။
တစ်နေရာပြီးတစ်နေရာ၊ တစ်ချက်ကျဲလိုက်၊ ကျဲထားတဲ့နေရာကိုကြည့်လိုက်နှင့် အိမ်ရှေ့နောက်ဖေး၊ ထမင်းစားခန်း၊ ရေချိုးခန်း၊ မီးဖိုချောင်၊ စတိုခန်း၊ ထပ်ခိုးပါမကျန် ဆန်မန်းပေါက်ပေါက်များပြန့်ကျဲလျက်။
"အောက်ထပ်မှာမရှိဘူး သမီး အပေါ်သွားကြရအောင်" ဟုဆိုကာ
အပေါ်ထပ်သို့တက်လေရာ ကျွန်မလည်း ကျွန်မ၏အမျိုးသားအကူအညီဖြင့်
အပေါ်ထပ်သို့ လိုက်တက်ခဲ့လေသည်။
အပေါ်ထပ်သို့အရောက် ဆန်မန်းပေါက်ပေါက်များ ထပ်ကျဲပြန်ရာ ထူးဆန်းစွာဖြင့်
ဆန်မန်းပေါက်ပေါက်များသည် လှေကားဘက်တွင် ပို၍စုစုဝေးဝေးရှိနေကြသည်။
"အဲဒီ လှေကားအိမ်အပေါ်ကို ရှာပေးပါ" ဟူ၍ အဖိုးကြီးကတောင်းဆိုလေသည်။
(မှတ်ချက်။ ရှေးခေတ်အိမ်များတွင်အိမ်ပေါ်ထပ်နှင့်ဆက်စပ်နေသောလှေကားထိပ်၏
ဘေးနှစ်ဘက်နှင့်အပေါ်ဘက်ကို သစ်သားနှင့်သံဇကာကွက်ရောနှော၍
ကာရန်ကာ တံခါးတပ်ဆင်ထားကြသည်။)
အိမ်မှာခိုင်းထားသောကောင်လေးကို လှေကားအိမ်ပေါ်တက်စေ၍ အပေါ်တွင်
တွင်တင်ထားသော ပျက်စီးနေသည့် ဘုန်းကြီးထီးအဟောင်းများကို တစ်ထုပ်ချင်း
အောက်သို့ချခိုင်းကာ ကျွန်မ၏အမျိုးသားက အောက်မှ လက်ဆင့်ကမ်းယူနေသည်ကို
တွင်တင်ထားသော ပျက်စီးနေသည့် ဘုန်းကြီးထီးအဟောင်းများကို တစ်ထုပ်ချင်း
အောက်သို့ချခိုင်းကာ ကျွန်မ၏အမျိုးသားက အောက်မှ လက်ဆင့်ကမ်းယူနေသည်ကို
အားလုံးကြည့်ရှုနေကြလေသည်။
ထီးအထုပ်ပေါင်း ၅ ထုပ်လောက် အောက်ကိုချအပြီးမှာ...
ထီးအထုပ်များနှင့်မဆိုင်သော ရှည်မျောမျောအထုပ်သေးတစ်ထုပ်ကိုတွေ့၍
အဖိုးကြီးက
အဖိုးကြီးက
" ကောင်လေး အဲဒီအထုပ်ယူပြီးဆင်းခဲ့ပေတော့" ဟုဆိုလိုက်လေသည်။
" အထုပ်ဖြည်စမ်းကွာ"
အားလုံးစိတ်ဝင်တစားနှင့်ဝိုင်းကြည့်နေကြသည်။
ပလတ်စတစ်အိပ်တစ်ထပ်၊ သတင်းစာတစ်ထပ် ထုပ်ထားသောအထုပ်ကို ဖြည်လိုက်ရာ ထမီစပတ်ထားသောအရိုးတစ်ချောင်းကိုတွေ့လိုက်ရပါတော့သည်။
အလုပ်သမားကောင်လေးက
" ဆက်ဖြည်ရဦးမလားခင်ဗျာ" ဟုမေးရာ
"အေး အဲဒီ ထမီစကိုပါဖြည်လိုက်ကွာ"
ဆက်လက်ပြီး တစ်ရစ်ချင်းထမီစကိုဖြည်ရာ ထက်ပိုင်းကျိုးနေသော အင်းချပ်နှစ်စနှင့် အရိုးတစ်ချောင်းပေါ်လာလေသည်။
စုတ်ပြတ်နေသောထမီစ၊
ထက်ပိုင်းကျိုးနေသောအင်းချပ်၊
အရိုးတစ်ချောင်း၊
အိမ်သားများအားလုံးအံ့သြနေကြသည်။
ခေတ်အဆက်ဆက် ပျက်စီးနေသည့်ဘုန်းကြီးထီးအဟောင်းများကြားမှ အဆိုပါအထုပ်တွေ့သည်ကိုဘယ်သူမှစဉ်းစား၍မရ။ ဘယ်အချိန် ဘယ်သူက
လာထားသွားသည်ဆိုတာမသိ။ ပို၍ပင်ဝေး၏။
"လူတွေ...လူတွေ...တရားမရှိတဲ့လူတွေ...တစ်ဘဝစံတွေ...ရက်စက်လိုက်ကြတာ"
ဟု အဖိုးကြီးက သူ၏ခေါင်းကိုဖြည်းညင်းစွာခါရမ်းရင်း ညည်းညူလိုက်လေသည်။
ထက်ပိုင်းကျိုးနေသောအင်းချပ်နှစ်စကိုညွှန်ပြရင်း
"သမီး...ဒီအင်းချပ်ကျိုးနေတာ အရမ်းကိုကံကောင်းသွားတယ်ကွယ်၊
အင်းချပ်သာ ကျိုးမနေခဲ့ဘူးဆိုရင် သမီးသေတာ ကြာပြီပေါ့၊
သမီးကို အသေတိုက်တာကွဲ့။
ဒီအရိုးကဘာအရိုးလဲ သိကြရဲ့လား?"
ကျွန်မတို့အားလုံး ပြိုင်တူခေါင်းခါလိုက်ကြသည်။
"ဒါ...လူသေလက်ဖျံရိုးပဲကွဲ့"
"ဟာ"
"အို"
အာမေဋိတ်သံနှင့်အတူကြက်သီးများပါထ,သွားကြရသည်။
"ဟုတ်တယ် လူသေလက်ဖျံရိုးမှာ အင်းချပ်ကိုညှပ်ပြီး ထမီစနဲ့ပါတ်ထားတာ၊
အင်မတန်ရက်စက်ယုတ်မာတဲ့လုပ်ရပ်ပဲ အဓိကပစ်မှတ်ကတော့
သမီးကိုပေါ့ကွယ် အင်းချပ်ကျိုးသွားလို့ ဒီအချိန်ထိအသက်ရှင်နေတာပေါ့၊
တစ်ခုထပ်ပြောမယ်၊ ဒီကိစ္စက အတွင်းလူ ပါကိုပါရမယ်"
ကျွန်မ ဘာကိုမှမမြင်တော့။
အဖိုးကြီးရှင်းပြသောစကားများကိုနားထောင်ရင်းမျက်ရည်များသာ တွင်တွင်ကျနေပါတော့သည်။
"ဒီမှာ သမီးဒီလိုကိစ္စမျိုးဟာ လက်သည်ကို သိဖို့ဆိုတာခဲယဉ်းပါတယ်
မသိအောင်လုပ်တာကိုးကွဲ့၊ အခုလိုတိုက်ခိုက်ထားတာသိရပြီဆိုတော့
အဘမှာချင်တာက ဘာသာရေးကို မပျက်မကွက်ဇောက်ချလုပ်ပါ၊
မေတ္တာဘာဝနာပွားများပါ၊ မကောင်းတဲ့သူကသူ့လမ်းသူသွားလိမ့်မယ်၊
ကိုယ်က လိုက်ပို့စရာတောင်မလိုဘူး၊
ကျွန်မ ဘာကိုမှမမြင်တော့။
အဖိုးကြီးရှင်းပြသောစကားများကိုနားထောင်ရင်းမျက်ရည်များသာ တွင်တွင်ကျနေပါတော့သည်။
"ဒီမှာ သမီးဒီလိုကိစ္စမျိုးဟာ လက်သည်ကို သိဖို့ဆိုတာခဲယဉ်းပါတယ်
မသိအောင်လုပ်တာကိုးကွဲ့၊ အခုလိုတိုက်ခိုက်ထားတာသိရပြီဆိုတော့
အဘမှာချင်တာက ဘာသာရေးကို မပျက်မကွက်ဇောက်ချလုပ်ပါ၊
မေတ္တာဘာဝနာပွားများပါ၊ မကောင်းတဲ့သူကသူ့လမ်းသူသွားလိမ့်မယ်၊
ကိုယ်က လိုက်ပို့စရာတောင်မလိုဘူး၊
ဒီနေ့ကစ,ပြီး အဌာနမေတံဂါထာတော် ကိုရွတ်ပါ
"အဌာနမေတံ ဘိက္ခဝေ
အနဝကာသော၊
ယံပရူပက္ကမေန တထာဂတံ
ဇီဝိတာ ဝေါရောပေယျ၊
အနုပက္ကမေန ဘိက္ခဝေ
တထာဂတာ ပရိနိဗ္ဗာယန္တိ။"
ဂါထာတော်အနက်
ဘုရားရှင်တို့မည်သည် သူတပါးတို့၏လုံ့လ၊
ပယောဂဖြင့်သေရိုးထုံးစံမရှိ။
အချိန်တန်မှသာ အလိုအလျှောက်
ပရိနိဗ္ဗာန် စံတော်မူကြသည်။
ပြီးတော့ မနက်မျက်နှာသစ်ရင် သရဏဂုံ( ၃ ) ပါးကို ရွတ်ဆိုနှလုံးသွင်းပါ
အစားအသောက်တွေ မစားသောက်ခင်မှာလည်း သရဏဂုံ ( ၃ ) ပါးကိုရွတ်ဆိုပေးပါ။
အဖိုးကြီး၏စကားအဆုံးမှာ
"စိတ်ချပါအဘ တကယ်ကိုကျေးဇူးတင်ပါတယ်" ဟုပြောရင်း အားတင်းကာထိုင်ချလိုက်ပြီးကန်တော့လိုက်ပါတော့သည်။
"နေ...နေ...သမီး၊ သမီးက အထိုင်အထအရမ်းခက်တာကိုကွယ်... ရပါတယ်၊
အဘမှာတာတွေသာမမေ့ပါနဲ့"
...............................................................................................................
"အဲဒါပါပဲ ကိုဘိုးခင်ရယ်၊ ဝဋ်ကြွေးပါလာတော့လည်း ဘယ်လိုမှ
မတတ်နိုင်ဘူးလေ စောစောစီးစီး အသက်ပါမသွားတာပဲ
ကံကောင်းတာပေါ့"
ကျွန်ုပ်လည်းသက်ပြင်းရှည်ရှည်ချပြီး
"အင်း...ဒီလိုကိစ္စမျိုးက ရဲစခန်းမှာအမှုသွားဖွင့်လို့လည်းရတာမဟုတ်တော့
ခံရတဲ့သူက ခံပြီးရင်းခံဖို့ပဲရှိတော့တာပေါ့ စိတ်မကောင်းပါဘူးကွယ်...
သြော်...လူတွေ...လူတွေ...တရားနည်းလမ်းကျကျ မကြိုးစားပဲ
ကျွန်ုပ်လည်းသက်ပြင်းရှည်ရှည်ချပြီး
"အင်း...ဒီလိုကိစ္စမျိုးက ရဲစခန်းမှာအမှုသွားဖွင့်လို့လည်းရတာမဟုတ်တော့
ခံရတဲ့သူက ခံပြီးရင်းခံဖို့ပဲရှိတော့တာပေါ့ စိတ်မကောင်းပါဘူးကွယ်...
သြော်...လူတွေ...လူတွေ...တရားနည်းလမ်းကျကျ မကြိုးစားပဲ
ဒီတစ်ဘဝကောင်းစားဖို့အတွက် ဖြတ်လမ်းနည်းလိုက်ကြတာကိုး..."
ကျွန်ုပ်တို့နှစ်ယောက်လည်း တည်းခိုခန်းကို ပြန်သောလမ်းတလျှောက်
မည်သည့်စကားမျှ မဆိုဖြစ်ခဲ့ကြပေ။
မည်သည့်စကားမျှ မဆိုဖြစ်ခဲ့ကြပေ။
ကျွန်ုပ်၏အတွေးထဲမှာတော့ ကြည်ကြည်မာ၏ ယခင်ကပုံရိပ်နှင့်
ယခုပုံရိပ်သည် ရောထွေးယှက်တင်နေပါတော့သည်။
(ဒေါ်ကြည်ကြည်မာ ကွယ်လွန်သွားပြီးနောက်ပိုင်း ကမ္ဘာလုံးသင်္ကန်းဆိုင်မှာ
အရှေ့ဆိုင် နှင့် အနောက်ဆိုင် ဟူ၍ ပေါ်ထွက်လာခဲ့သည် ဟု သိရပါသည်။ )
စာရေးသူ
(ဒေါ်ကြည်ကြည်မာ ကွယ်လွန်သွားပြီးနောက်ပိုင်း ကမ္ဘာလုံးသင်္ကန်းဆိုင်မှာ
အရှေ့ဆိုင် နှင့် အနောက်ဆိုင် ဟူ၍ ပေါ်ထွက်လာခဲ့သည် ဟု သိရပါသည်။ )
စာရေးသူ
No comments:
Post a Comment